كريم وقاصد باب بيتك
ياريت توارب ليَا الباب
أنا برضه عبدك وناديتك نويت أتوب وانت التواب
ــــــــــــــــــــــــــــ
عصيت وأسرفت فى ذنبى
لقيت غشاوة ملت قلبى
سامحنى واغفرلى ياربى
أنول رضاك وأنا ليك أواب
ـــــــــــــــــــــــــــــــــــ
ماليش سكن إلا فى ملكك
والكون عبيدك وأنا عبدك
وأروح لمين أنا من بعدك
يقدر يسبب لى الأسباب
ــــــــــــــــــــــــــــ
إمنحنى بركة غفرانك
واهدينى برك وأمانك
وادينى صدقة إحسانك
وأجعللى رزق فى كل مناب
الاشتراك في:
تعليقات الرسالة (Atom)
ليست هناك تعليقات:
إرسال تعليق