عالم عجيب بصحيح
الناس بقت تماسيح
عماله تاكل بعضها
والكل بات مجاريح
جتت كتير مطاريح
والحدادى جت تنادى
والصقور عادت تدور
مبقاش يطير عصفور
شارد فى وسط الريح
عن سكه فيهـــا يروح
والدنيا توهـــــــــــة
وإنطفت الزينه والمصابيح
فيه ناس قلوبها بتنفطر
وناس قلوبهم من حجر
لا حد فيهم بيسامح
ولاحد منهم له ملامح
زى البشر والأقوى هو المنتصر
ماتت دموعهم فى العيون
بقت الحياه شك وظنون
ونذير خطر
مبقاش فيه حد صريح
ولا حد عايز يعتبر
لابد من تصحيـــــــح
الاشتراك في:
تعليقات الرسالة (Atom)
ليست هناك تعليقات:
إرسال تعليق