ماتفوت علينا بكره يهديك يابن الحلال
وأرمينا ولو بنظرة بتسوق ليه فى الدلال
ده هواك وافق هوانا
حبك علم معانا
والدنيا مقضيانا
أنا وإنت آخر جمال
يهديك يابن الحلال
إتعلمنا المحبه على إيديك ياوله
وبقينا من الأحبه ووقعنا فى مشكله
حبك أثَر علينا
بيجافى النوم عينينا
عايزين حد يداوينا
م الفكر وم الخيال
يهديك يابن الحلال
ما تغيبش كتير علينا وتسيبنا لوحدنا
دى الوحده مخليانا بنكلم نفسنــــــــا
حود وإسهر معانا
وإظهر ياقمر سمانا
خلينا نعيش هوانا
ونداوم ع الوصال
يهديك يابن الحلال
الاشتراك في:
تعليقات الرسالة (Atom)
ليست هناك تعليقات:
إرسال تعليق